दाङ
२ मंसिर / दाङको घोराहीबाट छुटेको यात्रुबहाक बस रोल्पामा दुर्घटना हुँदा चार जनाको मृत्यु भएको छ ।
जिल्ला प्रहरी कार्यालय रोल्पाका अनुसार थवाङका लागि छुटेको ना ३ ख ५५१८ नम्बरको बस दुर्घटनामा पर्दा तीन पुरुष र एक महिलाको मृत्यु भएको हो । उनीहरुको पहिचान भने खुल्न सकेको छैन् । उनीहरुको घटना स्थलमै मुत्यु भएको रोल्पाका प्रहरी निरीक्षक कृष्ण राणाले बताए ।
सहदी मार्ग अन्तर्गत माडी गाउँपालिका वडा नं. २ जलजलामा भएको दुर्घटनामा परि अन्य ११ जना घाइते भएका छन् । बाटो आफ्ट्यारो भएकाले दुर्घटना भएको हुन सक्ने प्रहरी निरीक्षक राणाले बताए ।
घाईतेहरु सबैको उद्दार गरि रोल्पाको स्मृति अस्पतालमा उपचारकालागि ल्याईएको छ । विहीबार साँझ पौने ६ बजेतिर उक्त दुर्घटना भएको हो । बस सडकदेखि १०० फिट तल खसेको छ । विस्तृत विवरण आउन बाँकी छ ।
लाइभदाङ । २ मंसिर २०७८, बिहीबार १९:०६ बजे