तुलसीपुर, ३० बैशाख ।
राप्ती बबई क्याम्पस तुलसीपुर दाङले आज आईतबार एक कार्यक्रमको आयोजना गरि लायन्स क्लब ३२५ एन डिष्ट्रीक गभर्नर बिनोद कुमार श्रेष्ठ लाई स्वागत तथा सम्मान गरेको छ ।
क्याम्पस सञ्चालक समितिका अध्यक्ष श्यामकुमार रेग्मीको अध्यक्षतामा भएको सम्मान कार्यक्रममा प्रमुख अतिथी सम्मानित ब्यतित्व बिनोद कुमार श्रेष्ठले लायन्सले सामाजिक कार्यमा महत्वपूर्ण भुमिका खेलेको बताउदै क्याम्पसमा पनि आवश्यक सहयोग गर्ने प्रतिबद्धता व्यक्त गर्नु भयो ।
त्यस्तै कार्यक्रमका बिशिस्ट अतिथी लायन्स क्लब ३२५ एन का सेक्रेटरी टिकाजङ बिकले लायन्सले सामाजिक कार्यका साथै ब्यक्तिको नेतृत्व र क्षमता विकास गर्ने भएकाले लायन्समा जोडिन आग्रह गर्नु भयो ।
क्याम्पस प्रमुख गणेश पार्धेले सहजीकरण गरेको कार्यक्रममा राप्ती बबई क्याम्पस कर्मचारी संघका अध्यक्ष दामोदर सापकोटा, पव्लिक क्याम्पस प्राध्यापक संघ इकाई सभापति भुपबहादुर बुढाथोकीलगायतले क्याम्पसको भौतिक एवं शैक्षिक विकासमा सहयोग गर्न आग्रह गरेका थिए ।
हालै नेपालगन्जमा भएको लायन्स ३२५ एन को सम्मेलनबाट तुलसीपर निवासी बिनोद कुमार श्रेष्ठ र टीका जङ बिक निर्वाचित हुनुभएको थियो ।
लाइभदाङ । ३० बैशाख २०८१, आईतवार ११:०८ बजे