ओमप्रकाश गुप्ता
भालुवाङ २४ वैशाख । दाङको एक फर्निचर उद्योगमा आगलागी भएको छ । राप्ती गाउँपालिका वडा नम्बर १ पाखापानीमा रहेको उद्योगपति गञ्जबहादुर विष्टको जि.आर फर्निचर उद्योगमा आगलागी भएकाे इलाका प्रहरी कार्यालय भालुवाङले जानकारी दिएको छ ।
आज बिहान करिव ४:३० बजेकाे समयमा विद्युतको तार सर्ट भई आगलागी भएको प्रहरीले बताएको छ । आगोलाई सशस्त्र प्रहरी, स्थानिय र लमही नगरपालिकाकाे दमकलकाे सहयाेगमा नियन्त्रणमा लिइकाे छ ।
आगलागीबाट भएको क्षतिकाे विवरण आउन बाँकी रहेकाे प्रहरीले बताएको छ ।
लाइभदाङ । २४ बैशाख २०८१, सोमबार ०६:४८ बजे