तुलसीपुर,११ बैशाख । दाङको तुलसीपुर स्थित क्याम्पस अफ लाइफ साइन्समा विद्यार्थीहरुले तालाबन्दी गरेका छन ।
समयमै पढाई संचालन नभएको भन्दै उक्त क्याम्पसमा बिएसी एजि पहिलो सेमेस्नटरमा भर्ना लिएका विद्यार्थीहरुले तालाबन्दी गरेका हुन् । गत माघ महिनादेखी पढाई नभएको विद्यार्थीहरुको भनाई छ ।
विद्यार्थीहरुले एक बिज्ञप्ती जारी गर्दै क्याम्पसले बिगत देखि नै भोलि – भोलि भनेर टारिरहेको बताएका छन् । यसले विद्यार्थीहरुको भबिष्य माथि खेलवाड गरेको उनीहरुको भनाई छ ।
मागहरु सुनुवाइ नभए कानुनी प्रक्रियामा जाने समेत विद्यार्थीहरुले बताएका छन् । विद्यार्थीहरुको यो कार्यमा नेपाल विद्यार्थी सघ र अनेरास्ववियुले समर्थन जनाएका छन । उनीहरुले सोही रकममा दुइदिन भित्रमा पठन पाठन सुचारु हुनु पर्ने, कलेजमा पढाई हुन नसकेमा अन्य कलेजमा दुई दिन भित्रमा प्रक्रिया गरिदिनु पर्ने माग गरेका छन् ।
लाइभदाङ । ११ बैशाख २०८१, मंगलवार १२:४९ बजे