तुलसीपुर,१५ चैत । दाङमा लागू औषध खैरो हेरोइन सहित एक महिला पक्राउ परेका छन् । पक्राउ पर्नेमा घोराही उपमहानगरपालिका–१७ निवासी रोल्पाको माडी गाउँपालिका ४ घर भएकी २१ बर्सिया निर्जला घर्ती मगर रहेको जिल्ला प्रहरी कार्यालय दाङले जानकारी दिएको छ ।
प्रहरीले घोराही उपमहानगरपालिका-१४ नयाबसपार्कस्थित सडकबाट अवैध लागू औषध खैरो हेरोइन जस्तो देखिने पदार्थ करिब ७ सय ९० मिलिग्रामसहित मगरलाइ बुधबार राति पक्राउ गरेको हो । उनलाइ वडा प्रहरी कार्यालय घोराहीबाट खटिएको प्रहरीले उक्त पदार्थसहित पक्राउ गरी यस बारे आवश्यक अनुसन्धान गरिरहेको प्रहरीले जनाएको छ ।
लाइभदाङ । १५ चैत्र २०८०, बिहीबार १३:४८ बजे