घोराही, ७ चैत ।
नेपाली कांग्रेसका पूर्व सभापति एवं नेपाली राजनितिका शिखर पुरुष स्व.गिरिजाप्रसाद कोईरालाको १४ ओँ स्मृति दिवस घोराहीमा मनाईएको छ । नेपाली कांग्रेस क्षेत्र नम्बर २ को आयोजनामा स्मृति दिवस मनाईएको हो ।
क्षेत्रिय सभापति भिमप्रकाश खड्काको अध्यक्षता एवं नेपाली कांग्रेस दाङका जिल्ला सभापति शंकरप्रसाद डाँगीको प्रमुख आतिथ्यमा भएको कार्यक्रममा बोल्ने वक्ताहरुले नेपालको शान्ति प्रक्रियाको नेतृत्व गर्ने स्व.गिरिजाप्रसाद कोईरालाको योगदानको उच्च कदर गर्दै उहाँ एक कुशल नेतृत्वकर्ता भएको बताएका थिए । नेपाली कांग्रेसको नेतृत्व एवं समग्र नेपालको नेतृत्वदायी भूमीकामा रहेर देशलाई शान्तिको मार्गमा ल्याउनकालागी काम गरेको भन्दै उहाँले देखाएको मार्गमा हिड्नुपर्ने बताएका थिए ।
कार्यक्रममा नेपाली कांग्रेसका महासमिति सदस्य भुपबहादुर डाँगी, नेपाली कांग्रेस प्रदेश क्षेत्र नम्बर २ (१) का सभापति प्रकाश श्रेष्ठ, नेपाली कांग्रेस प्रदेश क्षेत्र नम्बर २(२) का सभापति अभियान बस्नेत, नेपाली कांग्रेस घोराही नगर सभापति तिलक रावत, पूर्व महाधिवेशन प्रतिनिधी कृष्ण सुवेदी, घोराही उपमहानगरपालिका वडा नम्बर १८ का सभापति केशरबहादुर रावत लगायतले मन्तव्य राख्नुभएको थियो ।
लाइभदाङ । ७ चैत्र २०८०, बुधबार १८:४९ बजे