राजपुर
२२ असोज । दाङ देउखुरीको राजपुर गाउँपालिका वडा नं. ६ खागरा नाकामा नव पाईला युवा क्लबले दशै मिलान कार्यक्रम गरेको छ ।
दशैको अवसरमा भलिबलसहित बिभिन्न ४ खेलको आयोजना गरेको छ । हरेक वर्षको फागुनमा हुने नाका स्तरीय खेल बन्द भएपछि त्यो खेललाई पुर्ण रुपमा संचालन राख्नुपर्छ भन्ने मनसाय राखेर नाकामा आउदै गरेको छडपर्बको अवसर पारेर भलिबलसहित ४ खेलहरु संचालन गरिएको क्लबका सचिव रमेश पुनले बताए ।
राजपुर गाउँपालिका–६ का वडा अध्यक्ष श्याम रोकाले नाकामा यस्ता खालका कार्यक्रम हुनु सकारात्मक भएको बताए । यस्तै गरेर कार्यक्रमलाई सहज र सुरक्षित बनाउनको लागी सिमा प्रहरी चौकी खागराका प्रहरी असई रामई यादवले छडपर्बलाई सहज तरिकाले मनाउनु पर्ने बताए ।
लाइभदाङ । २२ आश्विन २०७८, शुक्रबार २२:२६ बजे