तुल बहादुर कवँर मगर
दाङ, १० मंसिर ।
नेपाल पाराभेटेरीनरी एण्ड लाईभष्टक एशोसियसन(नेभ्ला)दाङले आफ्नो ३४ औं स्थापना दिवस शनिबार विभिन्न कार्यक्रम गरि मनाएको छ।
नेभ्लाले जिल्लाको गढवा गाउँपालिका वडा नं.६ मनिकापुरमा र शान्तिनगर गाउँपालिका वडा नं.२ पेदामा रहेको गौशालाका ३ सय ५० बढी पशुहरूलाई मिनरल वितरण, उपचार, परजिवि नियन्त्रण कार्यक्रम गरि स्थापना दिवस मनाए नेपाल पाराभेटेरीनरी एण्ड लाईभष्टक एशोसियसन(नेभ्ला) दाङका अध्यक्ष दामोदर आचार्यले जानकारी दिनुभयो ।
शान्तिनगर–२ का वडाध्यक्ष सुनिल वली र गढवा–६ का वडाध्यक्ष बिरबहादुर आलेमगरसँगको समन्वयमा उक्त कार्यक्रम सम्पन्न गरेको हो। कार्यक्रमा नेभ्लाका दाङ जिल्ला समितिका पदाधिकारीहरुको सहभागीता रहेको थियो ।
पेशागत हकहितका साथै नेपाली कृषक तथा पशुकल्याणको क्षेत्रमा क्रियाशिल रहदै आएको नेभ्लाले प्रत्येक वर्ष स्थापन दिवसको अवसरमा विभिन्न कार्यक्रम गर्दै आइरहेको छ।
लाइभदाङ । १० मंसिर २०८०, आईतवार १२:१७ बजे