निराश पाण्डे,
शान्तिनगर, ५ जेठ ।
शान्तिनगर गाउँपालिका वडा नम्बर ५ स्थित समता कृषि सहकारी संस्था लिमिटेडको १४ औं स्थापना दिबस बिहीवार कांसिपुरमा सम्पन्न भएको छ।
संस्थाका अध्यक्ष ज्ञानेन्द्र राज शर्माको सभापतित्व एवं वडा नम्बर ५ का अध्यक्ष ओपेन्द्र रावतको प्रमुख आतिथ्यतामा भएको कार्यक्रममा प्रमुख अतिथी रावतले पानसमा दिप प्रज्वलन गरेर कार्यक्रमको उदघाटन गर्नु भएको थियो।
स्थापना दिवसको अबसरमा बोल्दै प्रमुख अतिथी रावतले सहकारी संस्थाको संख्या र सदस्यहरुको वृद्धिलाई समेटने गरि सहकारी सम्बन्धि प्रशिक्षण कार्यक्रम लाई विविधिकरण र विस्तार गरिनु पर्ने बताउनु भएको छ।
कार्यक्रममा ऋण असुली उपसमितिका संयोजक राम बहादुर केसी , लेखा सदस्य पबित्रा ओलि, भुपाल डाङ्गी, बालकृष्ण ओलिले बोल्नु भएको थियो । उपाध्यक्ष बिमला खड्काले स्वागत मन्तव्य ब्यक्त गर्नु भएको थियो, भने स्थापना दिवसको उपलक्ष्यमा कुर्सी दौड प्रतियोगिता पनि गरिएको थियो, भने कार्यक्रम सञ्चालन लेखा संयोजक कोमल के सीले गर्नु भएको थियो।
लाइभदाङ । ५ जेष्ठ २०८०, शुक्रबार ११:५३ बजे