तुलसीपुर, १३ बैशाख ।
तुलसीपुरमा जीपको ठक्करबाट मोटरसाइकल चालक गम्भिर घाइते भएका छन् । दुर्घटनामा परी तुलसीपुर–२ निवासी २६ वर्षीय नोखीराम खड्का गम्भिर घाइते हुनुभएको छ ।
दुर्घटनामा परी गम्भिर घाइते भएका खड्कालाई राप्ती प्रादेशिक अस्पताल तुलसीपुरमा सामान्य उपचार पछि थप उपचारका लागी नेपालगञ्ज रिफर गरिएको छ । खड्काको अहिले आइसियुमा राखेर उपचार भइरहेको र अझै होसमा आउन नसकेको प्रहरीले जनाएको छ ।
तुलसीपुरबाट बागरतर्फ जादै गरेको बा ६३ प ७००६ नम्बरको मोटरसाइकललाई विपरित दिशाबाट आउदै गरेको रा १ च १०७२ नम्बरको जिपले मंगलबार साँझ ७ बजेको समयमा तुलसीपुर८ अस्वारा ओरालो नजिकै ठक्कर दिदा दुर्घटना भएको इलाका प्रहरी कार्यालय तुलसीपुरका प्रहरी प्रवक्ता पर्वत केसीले जानकारी दिनुभयो ।
जिपसहित जिपचालक बबई गाउँपालिका ४ का ३६ वर्षीय डिल्ली बहादुर बिकलाई नियन्त्रणमा लिएर घटनाको विषयमा अनुसन्धान भइरहेको प्रहरीले जनाएको छ ।
लाइभदाङ । १३ बैशाख २०८०, बुधबार १०:३२ बजे