तुलसीपुर,६ वैशाख ।
पहरे घर्ती समाज केन्द्रीय कार्यालय दाङले नयाँ बर्षको शुभकामना आदानप्रदान तथा तेस्रो साधारणसभा भएको छ । बुधबार गणेशपुर पार्कमा उक्त कार्यक्रम भएको हो । समाजका अध्यक्ष जितबहादुर घर्ती मगरको अध्यक्षता तथा नेपाल मगर संघ दाङ जिल्लाका अध्यक्ष डिल्लीबहादुर घर्ती मगरको प्रमुख आतिथ्यमा कार्यक्रम भएको हो ।
उपाध्यक्ष कुलबहादुर घर्ती मगरको स्वागत मन्तब्यबाट सुरु भएको कार्यक्रममा युवा ब्यबसायी चक्र बहादुर घर्तीले युवाहरु राजनीतिक पार्टीको मात्रै नभई समाजकालागि एक जुट भएर लाग्नु पर्ने बताएका थिए । युवाहरु राजनीतिक पार्टीलाई बढि ध्यान दिदा सामाजिक क्षेत्र ओझेलमा परेका बताएका थिए ।
नेपाल मगर संघ दाङका सल्लाहकार तथा तुलसीपुर चेम्बरका अध्यक्ष टोपबहादुर घर्तीले घर पालुवा रक्सी स्थानीय उत्पादन भएकाले यसलाई बैधानिक बनाएर विदेशसम्म निर्यात गर्नुपर्ने बताएका थिए ।
त्यस अवसरमा कोषाध्यक्ष जुद्धविर घर्ती मगरले आर्थिक प्रतिवेदन पेश गुरेका थिए, भने सहजीकरण सचिब चन्द्रबहादुर घर्ती मगरले गरेका थिए ।
लाइभदाङ । ६ बैशाख २०८०, बुधबार १६:३१ बजे