तुलसीपुर
१ असोज / दाङको तुलसीपुर स्थित टरिगाउँ एयरपोर्ट व्यबस्थापनकालागि नेकपा एमालेका अध्यक्ष तथा पूर्वप्रधानमन्त्री केपी शर्मा ओलीसंग भेटघाट गरिएको छ ।
एमाले दंगीशरणका सचिब रेशम वलीसहितका व्यक्तीहरुले केपी ओलीसंग छलफल गरेका हुन् । त्यस अवसरमा वलीले टरिगाउँ एयरपोर्टको भाडा घटाउनु पर्ने, नियमित उडान भर्नुपर्ने, रनवे विस्तार गर्नुपर्ने, ईन्धन डिपो निर्माणको कामलाई तिब्रता दिनुपर्ने लगायतका माग राखेर छलफल तथा भेटघाट गरेका हुन् ।
त्यस अवसरमा अध्यक्ष ओलीले यो विषयमा आफू गम्भीर रहेको प्रतिक्रिया दिएका थिए । साथै राष्ट्रियसभा सदस्य कोमल वलीसंग पनि उनले भेटघाट गरेका थिए । भेटघाटमा सांसद वलीले टरिगाउँ विमानस्थलको स्तरउन्नतिकालागि पहल गर्ने बताइन् ।
लाइभदाङ । १ आश्विन २०७८, शुक्रबार १८:०३ बजे