भालुवाङ, २३ चैत ।
दाङ देउखुरीको भालुवाङ स्थित राप्ती नदीमा एक बालक बेपत्ता भएका छन् । आज दिउँसो ४ बजेको समयमा राप्ती गाउँपालिका–१, भालुवाङ स्थित राप्ती नदीमा नुहाउने क्रममा बालक बेपत्ता भएका हुन् ।
सशस्त्र प्रहरी बल ज्वालामाई गण २९ नम्बर हेडक्वाटर भालुवाङमा कार्यरत सशस्त्र प्रहरीका सहायक हवल्दार प्यूठानको झिमरूक गाउँपालिका-८, टिमुरेचौरका रामबहादुर सुनारका छोरा अन्दाजी बर्ष १३ का बिबेक सुनार बेपत्ता भएको इलाका प्रहरी भालुवाङले जनाएको छ ।
बेपत्ता बालकको खोजी कार्य जारी छ । बालकलाई सशस्त्र प्रहरी बल ज्वालामाई गण २९ नम्बर हेडक्वाटर भालुवाङका सशस्त्र प्रहरी, ईलाका प्रहरी कार्यालय भालुवाङका प्रहरी जवान र स्थानीयले खोजी कार्य तीब्र बनाएका छन् ।
लाइभदाङ । २३ चैत्र २०७९, बिहीबार २०:२२ बजे