दाङ, ६ चैत ।
ऐरावती आदर्श बहुमुखी क्याम्पस लालमटिया स्ववियुमा अखिलको संयुक्त प्यानल विजयी भएको छ । आइतबार राति सम्पन्न मतपरिणाम अनुसार सभापतिमा अनेरास्ववियुकी विष्णा भण्डारी निर्वाचित भएकी छन् ।
उनले १३३ मत प्राप्त गरिन् भने निकटतम प्रतिस्पर्धी नेपाल विद्यार्थी संघका भुवन भट्टराईले १२० मत प्राप्त गरे । सचिवमा अखिल छैठौंका अशोक खनाल विजयी भएका छन् । उनले १७५ मत प्राप्त गरेका छन् भने प्रतिस्पर्धी नेपाल विद्यार्थी संघका अरुण पौडेलले १०२ मत प्राप्त गरेका छन् ।
कोषाध्यक्षमा अखिल छैठौंकै टिकाराम रावत विजयी भएका छन् । उनले २५८ मत प्राप्त गरे भने प्रतिस्पर्धी नेविसंघकी रेजिना कुमालले ९४ मत प्राप्त गरिन् । सदस्यमा सिद्धार्थ सुवेदी, माया कुमाल, फरिदा प्रविन, निमराज गौतम र विवेक घर्ती मगर निर्वाचित भएका छन् ।
लाइभदाङ । ६ चैत्र २०७९, सोमबार ११:४९ बजे