देव राज कँडेल
दाङ, २२ फागुन ।
लुम्बिनी प्रदेशका ट्राफिक प्रहरी प्रमुख कृष्ण प्रसाईले प्रदेशका प्रमुख शहरमा सवारी साधन पार्किङका लागि स्थानीय सरकारसंग समन्वय गरीरहेको बताएका छन् ।
‘पछिल्लो समयमा सडकको दुराअबस्था र मादक पदार्थ सेवन गरेर सवारि साधन चलाउदा ब्यबस्थापनमा चुनौति थपिएको छ एसपि प्रसईले भने ।’ रिपोर्टस् क्लब दाङले सोमबार तुलसीपुरमा गरेको पत्रकार सम्मेलनमा बोल्दै प्रमुख प्रसाईले यस्तो बताए ।
रिपोर्टस् क्लब नेपाल दाङ शाखाका अध्यक्ष शरद रेग्मीको अध्यक्षतामा भएको कार्यक्रममा बोल्दै प्रदेश ट्राफिक प्रहरी प्रमुख प्रसाईले तीब्र गति र मदिरा सेवन गरेर सवारीका साधन चलाउने कार्यले सडक दुर्घटनामा बृद्धि भएको दाबी गरेका छन् । लुम्बिनी प्रदेशमा रुपन्देही, बाँके र दाङमा बढी सवारी दुर्घटना हुने जानकारी समेत दिए ।
कार्यक्रममा जिल्ला ट्राफिक प्रहरी कार्यालय दाङका प्रमुख किरणप्रकाश मल्लले अटोका कारण बढी सवारी दुर्घटना हुने गरेको बताए । स्थानीय सरकारले समेत सुचीकरण र ब्यबस्थापनमा ध्यान दिएको भए पनि सडकमा अटोका कारण बढी दुर्घटना हुने गरेको बताए । कार्यक्रमको सहजीकरण क्लबका महासचिब बिमल गौतमले गरेका थिए ।
लाइभदाङ । २२ फाल्गुन २०७९, सोमबार १५:०२ बजे