तुलसीपुर
२७ भदौ / दाङमा बच्चा चोरी गर्न गिरोह आएको भन्ने कुरा हल्ला मात्रै भएको प्रहरीले बताएको छ ।
जिल्ला प्रहरी कार्यालय दाङका प्रहरी नायब उपरीक्षक राजन गौतमले अहिले जिल्लामा चोरी गर्ने गिरोह आएको र केही ठाउँबाट पक्राउ गरिएको भनि आएको हल्ला गलत भएको बताए । जिल्लाका केही विद्यालयहरुले सूचना नै जारी गरि चोरी गर्ने गिरोह आएकाले सचेत हुन भनि विज्ञप्ति नै जारी गरेका छन् ।
यस्ता हल्लाको पछि लागेर भ्रममा नपर्न समेत डीएसपी गौतमले सबैलाई अनुरोध गरे । अहिलेसम्म जिल्लामा चोरी गर्ने गिरोहका रुपमा कसैलाई पनि पक्राउ समेत नगरेको उनले बताए । तर, आफ्ना बच्चाहरुको ख्याल भने गर्नुपर्ने उनले बताए ।‘बच्चाहरुको ख्याल गर्नुहोला,तर, अहिले जिल्लामा बच्चा चोरी गर्ने गिरोह आएको भन्ने कुरा छ, त्यो भने गलत हो’,उनले भने‘हल्लाका पछि लागेर भ्रममा नपर्नुहोला ।’
लाइभदाङ । २७ भाद्र २०७९, सोमबार २०:४९ बजे