दाङ, १८ असार ।
सल्यानका ६ जना जुवाडे पक्राउ तुलसीपुरमा पक्राउ परेका परेका छन् । नयाँ बसपार्कको रातामाटा होटेलमा जुवा खेलिरहेको अवस्थामा अस्थायी प्रहरीचौकी बसपार्कका इन्चार्ज सन्तोष आचार्यको नेतृत्वमागएको इप्रका सहितको प्रहरी टोलीले उनीहरूलाई पक्राउ गरेको हो ।
प्रहरीले होटेल संचालक सेतिराम बुढाथोकी सहित सल्यानकोशारदा १० का गुमबहादुर चलाउने, भिमबहादुर चलाउने,अमर खड्का,त्रिवेणी २ का गुमान बुढाथोकी, त्रिवेणी १ का धर्मराज थापा रकाभ्रा ६ का टोपबहादुर बोहोरालाई पक्राउ गरेको छ । इप्रका प्रहरी कार्यालय तुलसीपुरका प्रमुख डीएसपी श्यामु अर्यालका अनुसारजुवाडेका साथबाट १ लाख २ हजार ३८५ रूपैयाँ र तास बरामद भएको छ ।
लाइभदाङ । १८ असार २०७९, शनिबार १७:०४ बजे