तुलसीपुर
२८ जेठ / तुलसीपुर उपमहानगरपालिका वडा नं.१२ को आयोजनामा सितलपुर घाटमा सरसफाई गरिएको छ ।
शनिबार वडाको आयोजना तथा तुलसीपुरका बिभिन्न सामाजिक संघसंस्थाको आयोजनामा घाट सरसफाई गरिएको हो । घाट फोहर हुँदा वरपरको वातावरण पनि दुषित हुनुकासाथै दाहसंस्कार गर्दा पनि समस्या हुने गरेको भन्दै यसलाई समाधान गर्न घाट सरसफाई आयोजना गरिएको वडाध्यक्ष खुसीराम चौधरीले बताए । उनका अनुसार यो सरसफाई अभियानलाई निरन्तरता दिने समेत बताए ।
त्यहाँ लामो समयदेखि दाहसंस्कारकालागि प्रयोग गरिएका काठ,कपडा, रबरलगायतले निकै दुषित भएको थियो । त्यस अवसरमा तुलसीपुर उद्योग बाणिज्य संघका बरिष्ठ उपाध्यक्ष मिनराज भण्डारी, निवर्तमान अध्यक्ष विमल रिजाल, तुलसीपुर चेम्बर अफ कमर्सका अध्यक्ष टोपबहादुर घर्ती, रोट्रयाक क्लब अफ तुलसीपुरका अध्यक्ष गेहेन्द्र बस्नेत, निवर्तमान अध्यक्ष सचिब पौडेल, तुलसीपुर खानेपानी उपभोक्ता तथा सरसफाई संस्थाका उपाध्यक्ष सिताराम शर्मा,रेडक्रसलगायत बिभिन्न संघसंस्थाका प्रतिनिधिको सहभागिता रहेको थियो ।
त्यस अवसरमा वडाध्यक्ष चौधरीले यो कार्यमा सहयोग गर्ने सम्पूर्णलाई धन्यवाद ज्ञापन गरे ।
लाइभदाङ । २८ जेष्ठ २०७९, शनिबार २१:५१ बजे