तुलसीपुर
३० फागुन / नेपाली काँग्रेस गाउँ–गाउँ पुग्ने गरेको छ । गाउँ–गाउँम गएर पार्टी प्रवेश तथा प्रशिक्षण कार्यक्रम गरिरहेको छ ।यही क्रममा तुलसीपुर १९ मा पनि कार्यक्रम भएको छ ।
पार्टीका तुलसीपुर १९ का सभापति पदम वलीको सभापतित्व तथा केन्द्रीय सदस्य चन्द्र केसीको प्रमुख आतिथ्यमा कार्यक्रम भएको हो । त्यस अवसरमा पार्टीका जिल्ला सभापति शंकर डाँगी,महाधिवेशन प्रतिनिधि शुष्मा लामिछाने,दाङ क्षेत्र न.ं २ का क्षेत्रीय सचिब हिमबहादुर डाँगी,तुलसीपुर नगर सभापति सुरेश हमाल,जिल्ला सदस्य पुष्पा डाँगी, गौरव आचार्य, गद्दुलाल चौधरी, तुलसीपुर १८ का पार्टी वडा सभापति विरेन्द्र खड्कालगायतले मन्तब्य ब्यक्त गरेका थिए ।
त्यस अवसरमा बक्ताहरुले गाउँगाउँमा गएर पार्टीको अबस्था सुधार गर्नुपर्ने बताएका थिए । पार्टीका वडा उपसभापति मेवालाल खत्रीले स्वागत मन्तब्य ब्यक्त गरेको कार्यक्रममा उपसभापति प्रेमबहादुर रावतले धन्यवाद ज्ञापन गरेका थिए ।
कार्यक्रमको सहजीकरण नगर सचिब सुशिल वली र वडा सचिब कर्णबहादुर वलीले गरेका थिए । त्यस अवसरमा बिभिन्न पार्टी परित्याग गरि १३६ जना काँग्रेसमा प्रवेश गरेका छन् ।
लाइभदाङ । ३० फाल्गुन २०७८, सोमबार २१:५५ बजे