देउखुरी, ३ फागुन ।
देउखुरीमा टिपरको ठक्करबाट एकजनाको मृत्यु भएको छ । राप्ती गाउँपालिका वडा नम्बर १ पाखापानीमा टिपरको ठक्करबाट दुध बेच्न हिडेकी एक महिलाको मृत्यु भएको हो ।
पुर्वबाट पश्चिम जाँदै गरेको रा १ क १२८६ नम्बरको टिपरले ठक्कर दिदा राप्ती गाउँपालिका वडा नम्बर २ कटेशनाला निवासी ३५ वर्षिय डिला पौडेलको घटना स्थलमै मृत्यु भएको इलाका प्रहरी कार्यालय भालुबाङ्गले जनाएको छ ।
साइकलमा दुध बेच्न भालुभाङ्ग हिडेकी महिलालाई उक्त टिपरले ठक्कर दिएको हो । घटना पछि मृतकका आफन्त तथा स्थानीयले केहीमा राजमार्ग बन्द गरेका छन् । दोषीलाई कडा भन्दा कडा कारवाहीको माग र क्षतिपुर्तिको माग गर्दै बाटो बन्द गरिएको छ । बाटो बन्द भएपछि गन्तव्यमा जान लागेका सवै गाडी रोकिएका छन् ।
लाइभदाङ । ३ फाल्गुन २०७८, मंगलवार १०:४७ बजे