दाङ,३ माघ ।
राप्ती लोकमार्ग अन्तगर दाङ – सल्यान कपुरपोट सडक खण्ड १७ दिन दिउँसोमा बन्द गरिने भएको छ ।
मर्मत कार्य चलिरहेको हुँदा माघ ८ गते २५ गतेसम्म बिहान ११ बजेदेखि हरेक दिन बेलुका ४ बजेसम्म हर्नेटी – कपुरकोट खण्डमा सवारी साधन संचालनमा रोक लगाइने भएको छ ।
सडक डिभिजन कार्यालय दाङका प्रमुख दीपेन्द्र बिष्टले बुधबार सार्वजनिक सूचना जारी गरि १७ दिन ५ घन्टाका दरले सडक खण्ड बन्द रहने बारे जानकारी दिएका छन् ।
साथै साना र अत्यावश्यक सवारी साधनका लागि बैकल्पिक मार्ग पैंयाखोरीया – सातबास – किमुचौर – कपुरकोट हुँदै यात्रा गर्न सुझाइएको छ ।
त्यस्तै तुलसीपुर – कालीमाटी – लुहाम हुँदै यात्रा गर्न सकिने बिकल्प सुझाइएको छ ।
लाइभदाङ । ४ माघ २०८२, शनिबार १२:४० बजे