तुलसीपुर, ८ माघ । दाङको दंगीशरण गाउँपालिका वडा नं. ६ स्थित भानु माविमा विद्यार्थीहरुलाई पोशाक वितरण गरिएको छ ।
सोमबार विद्यार्थीहरुलाई पोशाक वितरण गरिएको हो । आर्थिक बर्ष २०८१÷०८१ को बजेटमा समावेश भए बमोजिम भानु माविमा ८४ विद्यार्थीलाई पोशाक, २५ सेट खेलकूद पोशाक र १८ थान स्काउट पोशाक वितरण गरिएको हो ।
वडा सदस्य उर्मिला परियारको प्रमुख आतिथ्यमा उक्त सामग्री वितरण गरिएको हो । उनका अनुसार एक लाख बराबरका पोशाक सहयोग गरिएको हो ।
विगत जस्तै यस बर्ष पनि यी सामग्री सहयोग गरिएको वडाध्यक्ष रोशनजंग शाहले बताए । उनका अनुसार सामुदायिक विद्यालयका विद्यार्थीहरुको सहजताकालागि पोशाक वितरण गरिएको हो ।
यस्तै श्रीगाउ स्कुललाई पनि एक लाख बराबरका पोशाक वितरण गर्ने उनले बताए ।
लाइभदाङ । ८ माघ २०८१, मंगलवार २१:३५ बजे