तुुलसीपुर,५ पुस ।
तुलसीपुरमा दुई मोटससाइकल एक आपसमा ठोक्किदा दुई जना घाइते भएका छन् । दुर्घटनामा घाइते हुनेमा रा ३ प ६०४४ नम्बरको मोटरसाइकल चालक तुलसीपुर–७ पर्सेनीका २५ वर्षीय विराट शर्मा र पछाडि सवार उहाँका वुवा ५१ वर्षीय भोलानाथ शर्मा घाइत भएको इलाका प्रहरी कार्यालय तुलसीपुरका प्रहरी प्रवक्ता प्रहरी निरिक्षक प्रकाश थापाले जानकारी दिनुभयो ।
तुलसीपुरबाट घोराहीतर्फ जाँदै गरेको रा १ प ३२१२ नम्बरको मोटरसाइकल र विपरीत दिशाबाट आउँदै गरेको रा ३ प ६०४४ नम्बरको मोटरसाइकल आज साँझ घोराही–तुलसीपुर सडक खण्ड अन्तरगत तुलसीपुर–१८ बिजौरीको डाँडागाउँमा एक आपसमा ठोक्किदा दुर्घटना भएको हो ।
दुर्घटनामा घाइते दुबै जनाको तुलसीपुरको सिटि अस्पतालमा उपचार भैरहेको छ । घटनाबारे थप अनुसन्धान भैरहेको प्रहरीले जनाएको छ ।
लाइभदाङ । ५ पुष २०८१, शुक्रबार १९:५२ बजे