रुकुम पश्चिम, ९ मंसिर ।
रुकुम पश्चिममा एक युवकले घरायसी विवादमा आफ्नै बाबुको हत्या गरेका छन् । आठबिसकोट नगरपालिका वडा नम्बर १० घारिगाउँस्थित २१ वर्षीय वीरबहादुर केसीले आइतबार साँझ खुकुरी प्रहार गरि आफ्नै बाबुको हत्या गरेका हुन् ।
खुकुरी प्रहारबाट ५१ वर्षीय दर्बे खत्रीको घटनास्थलमै मृत्यु भएको जिल्ला प्रहरी कार्यालय रूकुम पश्चिमले जनाएको छ । स्थानीय सुवास थापाकाअनुसार खुकुरी प्रहारपछि खत्रीको ज्यान गएको हो ।
घटनाबारे प्रहरीलाई जानकारी गराएपछि प्रहरी घटनास्थल पुगेको छ । प्रहरीले घटनाबारे अनुसन्धान सुरु गरेको जनाएको छ ।
लाइभदाङ । ९ मंसिर २०८१, आईतवार २३:०७ बजे