तुलसीपुर, १ मंसिर । अप्टिमिष्ट क्लब अफ तुलसीपुरले नयाँ सदस्यहरुलाई परिचयात्मक तालिम गरेको छ ।
क्लबले शुक्रबार तुलसीपुरमा कार्यक्रम गरेको हो । नव प्रवेशी सदस्यहरुलाई क्लबका संस्थापक अध्यक्ष मानबहादुर बस्नेतले ‘प्रि इन्टरडक्सन ट्रेनिङ’ प्रदान गरेका थिए ।
क्लबका अध्यक्ष एकराज भण्डारीको अध्यक्षतामा भएको कार्यक्रममा प्रमुख अतिथि प्याबसन दाङका अध्यक्ष मधुसुदन केसीले समाजवादी आशावादी शिक्षा आबश्यक रहेको बताए । यो अहिलेको समयसान्दर्भिक भएको उनको भनाई थियो ।
कार्यक्रममा पूर्वध्यक्ष कमल सापकोटा, प्रमुख सल्लाहकार विष्णु कुमार देवकोटा, झरेन्द्र खरेललगायतले मन्तब्य ब्यक्त गरेका थिए । त्यस अवसरमा अध्यक्ष भण्डारीले आफूले तुलसीपुरको क्लब विगतदेखि नै उत्कृष्ट हुँदै आएको भन्दै अझै उत्कृष्ट बनाउने गरि काम गर्ने बताए ।
कार्यक्रमको सहजीकरण महासचिब मेघराज पोख्रेलले गरेका थिए ।
लाइभदाङ । १ मंसिर २०८१, शनिबार २०:१५ बजे