oplus_0
दाङ, २६ कार्तिक ।
बबई गाउँपालिका वडा नम्बर ७ मा रहेको जुनतारा स्वावलम्बी महिला समुहले उपहार प्रदान कार्यक्रम सम्पन्न गरेको छ । समुहका सदस्य जागमती चौधरी र शिला चौधरीले १/१ वटा बाख्राका पाठी उपहार प्रदान गर्नुभएको हो ।
समुहका सदस्य जागमती चौधरीले पुतली थरुनी र शिला चौधरी चौधरीले प्यारी चौधरीलाई १/१ वटा बाख्राका पाठी उपहार प्रदान गर्नुभएको हो । समुहकी अध्यक्ष कालीमैया चौधरीको अध्यक्षतामा उपहार प्रदान कार्यक्रम सम्पन्न भएको हो ।
बबई गाउँपालिकाको सहयोग र हेफर प्रोजेक्टको सहयोगमा सञ्चालन भएको बबई कृषि तथा पशु उद्यमशीलता बिकास परियोजना मार्फत् गठन भएको जुनतारा स्वावलम्बी समुहले समुहमा प्राप्त भएको बाख्रा बाफत्को पाठी समुहका अन्य सदस्यहरुलाई उपहार प्रदान गरेका हुन् ।
परियोजना मार्फत् बबई गाउँपालिकामा १६ वटा मुल समुह र ४८ वटा उपहार समुह गठन गरिएको छ । मुल र उपहार समुह गरेर गठन गरिएका ६४ वटा समुह मार्फत् बबई सामाजिक उद्यमी महिला सहकारी गठन भएर सञ्चालन भइरहेको छ ।
लाइभदाङ । २६ कार्तिक २०८१, सोमबार २०:५२ बजे