रुकुम पश्चिम, ३ साउन । रुकुम पश्चिममा खोलाले बगाउँदा एक जना मृत्यु भएको छ । जिल्लाको आठविसकोट नगरपालिका १२ निवासी ५५ वर्षिय चन्द्रे पुनलाई आज बिहान १० बजे खोलाले बगाउँदा मृत्यु भएको हो । आठविसकोट नगरपालिका वडा नम्वर १२ का वडा अध्यक्ष खुम्मे कुसारीका अनुसार स्थानीय काफलचौर खोला तर्ने क्रममा पुनलाई खोलाले बगाएको थियो ।
खोलाले बगाएर मृत्यु भएको सूचना पश्चात इलाका प्रहरी कार्यालय आठविसकोटबाट प्रहरी निरीक्षक नविन मरासिनीको नेतृत्वमा प्रहरी टोली घटनास्थल पुगेको छ । सोहि वडाको झिन्चौरमा गत मंगलबार बिहान आएको बाढीले तीन जना बालिकाको मृत्यु भएको थियो भने एक जना बेपत्ता भएको प्रहरीले जनाएको छ ।
लाइभदाङ । ३ श्रावण २०८१, बिहीबार १८:५९ बजे