तुलसीपुर,२१ जेठ । दाङमा ट्याक्टरले चुडाएको वाइफाइको तारले लाग्दा एक जना घाइते भएका छन् ।
सोमबार साँझ ८ बजेतिर दाङ दंगिशरण गाउँपालिका ५ मिरौली स्थित हेकुलीबाट तुलसीपुर तर्फ रोलर लोड गरि आउदै गरेको रा १ त २४२४ नंम्बरको ट्याक्टरले वाई फाईकोतार छिनाल्दा सोही ठाउँका ५० बर्षीय दिल बहादुर वली घाइते भएका हन् ।
उनको राप्ती प्रादेशिक अस्पताल तुलसीपुरमा उपचार भइरहेको छ । उनको दाँया हात,दाँया खुट्टा र घाँटिमा चोट लागेको छ । अबस्था सामान्य रहेको इलाका प्रहरी कार्यालय तुलसीपुरका प्रहरी निरीक्षक प्रकाश थापाले बताए ।
उनका अनुसार ट्याक्टर र चालकलाई नियन्त्रणमा लिएको छ ।
लाइभदाङ । २१ जेष्ठ २०८१, सोमबार २१:२६ बजे