file photo
दाङ,१४ वैशाख । दाङबाट दुई सय परीक्षार्थीबाट मोवाईललाई प्रहरीले नियन्त्रणमा लिएको छ ।
आजदेखि सुरु भएको कक्षा १२ को परीक्षाबाट विभिन्न परीक्षा केन्द्रबाट परीक्षा दिइरहेका परीक्षार्थीहरुबाट मोवाईल नियन्त्रणमा लिइएको हो ।
इलाका प्रहरी कार्यालय तुलसीपुरका प्रहरी निरीक्षक नवचन्द्र मल्लका अनुसार महेन्द्र मावि तुलसीपुरबाट एकसय ४८ र हिमाल एकाडेमीबाट २१ वटा मोवाईल नियन्त्रणमा लिईएको हो ।
त्यस्तै गढवाबाट २३ र घोराहीबाट ६ वटा मोवाईल समेत जफत गरिएको जिल्ला प्रहरी कार्यालय दाङका प्रहरी उपरीक्षक रामबहादुर केसीले बताए । परीक्षा दिइरहेकै अबस्थामा मोवाईल भेटिएकाले नियन्त्रणमा लिइएको उनको भनाई छ ।
उनका अनुसार ति मोवाईलहरु परीक्षा सकिएपछि मात्रै विद्यार्थीहरुलाई फिर्ता गरिनेछ । मोवाईल ग्रुप बनाएर चिट चार्ने तथा फोटो खिचेर लैजाने प्रबृति बढेको छ ।
लाइभदाङ । १४ बैशाख २०८१, शुक्रबार १८:५९ बजे