दाङ,७ बैशाख । दाङमा जन्ति लिन जान लागेको बसले ठक्कर दिदा एक पुरुषको मृत्यु भएको छ ।
शुक्रबार पौने ४ बजेतिर जन्ती लिन जान लागेको बसले शान्तिनगर गाउँपालिका वडा नं.५ काशीपुरमा ठक्कर दिदा करिब ४५ बर्षीय पुरुषको मृत्यु भएको हो । उनको नाम र ठेगाना खुलेको छैन ।
चरकमटीयाबाट काशीपुरतर्फ जन्ती लिन जान लागेका ना ४ ख ६९४९ नम्बरको बसले पुरुषलाई ठक्कर दिदा गम्भीर घाइते भएका थिए ।
गम्भीर घाइते भएका उनको राप्ती प्रादेशिक अस्पताल तुलसीपुरमा उपचारको क्रममा मृत्यु भएको इलाका प्रहरी कार्यालय तुलसीपुरका प्रहरी निरीक्षक नवचन्द्र मल्ले जानकारी दिए ।
ठक्कर दिने बस र चालकलाई प्रहरीले नियन्त्रणमा लिएको छ ।
लाइभदाङ । ७ बैशाख २०८१, शुक्रबार ०७:४९ बजे