दाङ, ५ वैशाख । सल्यानमा आज भएको बस दुर्घटनामा परी गम्भीर घाइते भएकामध्ये चारजनालाई थप उपचारका लागि बाँकेको कोहलपुर पठाइएको छ ।

इलाका प्रहरी कार्यालय थारमारेका प्रहरी निरीक्षक नवीन थापा मगरले दिनुभएको जानकारीअनुसार तुलसीपुर उपमहानगरपालिका–४ का ४६ वर्षीय विष्णु विक, रुकुम त्रिवेणी गाउँपालिका–२ का २२ वर्षीय चित्रा पुन, निजका ६ वर्षीय छोरा रमेश पुन मगर र तुलसीपुर–१९ बिजौरीका २९ वर्षीय कृष्ण चौधरीलाई थप उपचारका लागि शिक्षण अस्पताल कोहलपुर पठाइएको हो ।

चारै जनालाई स्थानीय अस्पतालमा सामान्य उपचारपछि थप उपचारका लागि रेफर गरिएको प्रहरी निरीक्षक मगरले जानकारी दिनुभयो । उहाँका अनुसार अन्य १० जना घाइतेको थारमारे प्राथमिक केन्द्र तथा स्थानीय पोलिक क्लिनिकमा उपचार भइरहेको छ ।

दाङको घोराहीबाट पूर्वी रुकुमतर्फ गइरहेको यात्रुवाहक बस सल्यानको बागचौर नगरपालिका–२ ठिङबाङ खोलामा दुर्घटनामा परेको थियो । सो दुर्घटनामा परी २२ जना घाइते भएका थिए । घाइतेमध्ये आठजनाको अवस्था सामान्य रहेकाले दुर्घटनालगत्तै उनीहरु घर फर्किसकेकाले सल्यान प्रहरीले यसअघि १४ जना घाइते भएको विवरण सार्वजनिक गरेको थियो । बस अनियन्त्रित भई दुर्घटना भएको हुनसक्ने अनुमान गरिएको छ ।

घाइते २२ जनाको विवरण
१    जि. दाङ तुल्सिपुर उ.म.न.पा. ४ बस्ने (गाडी साहु )बर्ष ४६ को बिष्णु बि.क. ( कम्मरमा चोट अवस्था सिरियस ) ।
२    जि. रुकुम पश्चिम  त्रिबेणी गा.पा. २ बस्ने बर्ष २२ कि चित्रा पुन (कम्मरमा चोट अवस्था सिरियस ) ।
३     जि.दाङ तुल्सिपुर उ.म.न.पा १० बिजौरी बस्ने बर्ष २९ को कृष्ण चौधरी ( कम्मरमा चोट अवस्था सिरियस ) ।
४    जि. दाङ नारायणपुर न.पा. १० बस्ने बर्ष ३६ कि दिल कुमारी गोतामे  ( ढाडमा चोट अबस्था सिरियस ) ।
५    ऐ.ऐ. ४ रक्षाचौर बस्ने बर्ष २६ कि खिमा बि.क. ( निधारमा चोट अवस्था मध्यम ) ।
६    चालक  जि. दाङ तुल्सिपुर उ.म.न.पा. ६ बस्ने बर्ष ३४ को पुर्ण शम्सेर जबरा ( छातिमा चोट अबस्था मध्यम ) ।
७       ऐ.ऐ  ७ परसेनि बस्ने बर्ष ४९ को ठगि बुढा ( ढाडमा चोट अबस्था मध्यम ) ।
८       ऐ.ऐ. बस्ने बर्ष ४७ कि कुम्भ कुमारी बुढा (ढाडमा चोट अबस्था मध्यम ) ।
९     जि. रुकुम चौरजहारी न.पा. २ बस्ने बर्ष १६ कि पुष्पा चन्द ( ढाडमा चोट अबस्था मध्यम )।
१०    जि. सल्यान शारदा न.पा. ५ बस्ने बर्ष १९  कि सपना भण्डारी (  टाउकोमा चोट अवस्था मध्यम ) ।
११    ऐ. बागचौर न.पा. १ गौरिबेत बस्ने बर्ष ५० कि भुमा बस्नेत  ( निधारमा चोट अवस्था मध्यम ) ।
१२    ऐ. शारदा न.पा. १५ बस्ने बर्ष २३ कि योगमाया बस्नेत ( निधारमा चोट अवस्था मध्यम ) ।
१३    जि. रुकुम पश्चिम  त्रिबेणी गा.पा. २ बस्ने बर्ष ६ को रेशम मगर (  टाउकोमा  चोट अवस्था मध्यम ) ।
१४    जि. रुकुम चौरजहारी न.पा. ९ बस्ने बर्ष १७ को उमेश मल्ल ( बाँया आखामा चोट अवस्था मध्यम )।

१५      जि. रुकुम सिस्ने गा.पा. ६ बस्ने बर्ष ११ कि  अरुणा गौतम (  हात खुट्टामा चोट अबस्था सामान्य ) ।
१६     जि. रुकुम बाफीकोट गा.पा. १ बस्ने बर्ष १४ को निश्चल हमाल ( टाउकोमा चोट अवस्था सामान्य ) ।
१७     जि. सल्यान  बागचौर न.पा. २ बर्ष २ कि ललिता बस्नेत ( अबस्था सामान्य ) ।
१८     ऐ.ऐ.  बस्ने बर्ष २५ को शुरेन्द्र बस्नेत ( निधारमा चोट अबस्था सामान्य ) ।
१९     ऐ.ऐ. छत्रेश्वरी १ दमाचौर बस्ने बर्ष ३१ को बिरेन्द्र चन्द ( खुट्टामा चोट अबस्था सामान्य ) ।
२०     ऐ.ऐ. सिद्ध कुमाख गा.पा. १ बस्ने बर्ष १७ को बिर बहादुर बस्नेत ( खुट्टामा चोट अबस्था सामान्य ) ।
२१)    ऐ.ऐ.  त्रिबेणी गा.पा. ६ बस्ने बर्ष ३३ को बसन्त जंग क्षेत्री ( खुट्टामा चोट अबस्था सामान्य )
२२)     जि. रोल्पा रुन्टीगढी गा.पा. ५ बस्ने बर्ष २५ को रञ्जित बि.क. (हातमा चोट अबस्था सामान्य)