तुलसीपुर,९ माघ । दाङको तुलसीपुर १८ बेलझुण्डीमा खसीकप फुटबल प्रतियोगिता भएको छ ।
विहानी स्पोर्टस्को आयोजनामा उत्तः प्रतियोगिता भएको हो । त्यस अवसरमा लुम्बिनी प्रदेशका अर्थमन्त्री धनबहादुर मास्कीले खेल पनि समृद्धिको आधार भएको बताए । खेल क्षेत्रले मुलुकलाई अन्तराष्ट्रिय स्तरमा चिनाउने बताए ।
क्लबको आयोजनामा मघी मिलन,शुभकामना आदानप्रदान तथा मैत्रीपूर्ण खसिकप फुटबल प्रतियोगिता भएको हो । प्रतियोगितामा आयोजक टिम प्रथम भएको थियो, भने अखिल क्रान्तिकारी द्धितिय भएको क्लबका संरक्षक विष्णु चौधरीले बताए ।
संरक्षक चौधरीको अध्यक्षतामा भएको कार्यक्रममा नेपाल संस्कृत विश्वविद्यालयका कुलसचिव प्रा.माघव अधिकारी,दाङका प्रमुख जिल्ला अधिकारी रामबन्धु सुवेदीलगायतको सहभागिता रहेको थियो । सल्लाहकार शरण जीएमले स्वागत मन्तब्य ब्यक्त गरेको कार्यकर्मको सहजीकरण पत्रकार गिरिराज नेपालीले गरेका थिए ।
लाइभदाङ । ९ माघ २०८०, मंगलवार १०:१६ बजे