लक्ष्मण बस्नेत
दाङ, ३० मंसिर ।
दाङको तुलसिपुरमा संचालित ललित स्मृति कप टु ए साईट खुला पुरुष भलिबल प्रतियोगिता २०८० को उपाधी एसभिसी ले जितेको छ ।
फेलोसिप ट्रेनिङ सेन्टर तुलसिपुरको आयोजनामा राप्ती किङ भलिबल प्रशिक्षण केन्द्र तुलसिपुरमा संचालित प्रतियोगिताको आज सम्पन्न फाईनल खेलमा ज्ञान ज्योती कलेज तुलसिपुरलाई १९-२१, २६-२४,२१-१४ र २२-२० अर्थात ३-१ को सेटमा पराजित गर्दै एसभिसीले उपाधी जितेको हो ।
उपाधी संगै उसले नगद ३० हजार, कप मेडल र प्रमाणपत्र हात पार्यो । फाइनलमा सम्मानजक हार ब्यहोरेको ज्ञानज्योती उपबिजेतामा सिमित रहदै नगद २० हजार, कप, मेडल प्रमाणपत्रमा जित्त बुझाउन बाध्य भयो । त्यस्तै स्पेशल टाक्सफोर्स तृतिय भयो । उसले नगद १० हजार,कप,मेडल,प्रमाणपत्र हात पारेको भलिबलका राष्ट्रिय रेफ्री द्रोण प्रकाश चन्दले जानकारी दिनु भएको छ ।
यसैबिच प्रतियोगिताको समापन समारोह फेलोसिप ट्रेनिङ सेन्टरका संचालक राजु यरिको अध्यक्षता भएको थियो । सो अबसरमा बिजेता टिम तथा खेलाडी लाई दाङ जिल्ला भलिबल संघका महासचिव लक्ष्मण बस्नेत,स्वर्गीय ललित बुढानगरका दाजु तेज बहादुर बुढामगर,लगाएतले कप,मेडल तथा पुरस्कार प्रदान गर्नु भएको थियो ।
लाइभदाङ । ३० मंसिर २०८०, शनिबार १७:५९ बजे