तुलसीपुर, ११ मंसिर ।
दाङको देउखुरीमा कुलोमा खसेर १ जना पुरूषको मृत्यु भएको छ । राप्ती गाउँपालिका ७ अर्नहनपुर स्थित जोकही कुलोमा खसेर सोही वडाको छोट्की सिसहनियाँ निवासी ४१ बर्षीय पृथ्वी चौधरीको मृत्यु भएको इलाका प्रहरी कार्यालय सिसहनियाँले जानकारी दिएको छ ।
रामघाट मेला हेरेर घर फर्किने क्रममा कुलोमा खसेर मृत्यु भएको हुन सक्ने प्रहरीले अनुमान गरेको छ । स्थानीयले प्रहरीलाई आज विहान ६:३० बजे जानकारी गराएपछि शवलाई कुलोबाट निकालेर पोष्टमार्टमका लागि लमही अस्पताल पठाएको प्रहरीले बताएको छ ।
लाइभदाङ । ११ मंसिर २०८०, सोमबार १३:५९ बजे