लक्ष्मण बस्नेत
दाङ, ११ कार्तिक ।
दाङको तुलसिपुरमा रोयल भमके टि-20 क्रीकेट प्रतियोगिता २०८० हुने भएको छ ।
स्वतन्त्र युवा समूह तुलसिपुर १ भमकेको आयोजनामा मदन भण्डारी रंगशाला भमकेमा संचालन हुने प्रतियोगिता यहि कार्तिक १९ गते देखि सुरु हुनेछ । कार्तिक २५ गते सम्म संचालन हुने प्रतियोगितामा जिल्लाका झन्डै १२ टिमको सहभागिता रहने प्रतियोगिताका संयोजक खगेन्द्र नेपालिले जानकारी दिनु भएको छ । संयोजक नेपालिका अनुसार प्रतियोगिताको बिजेता टिमले नगद ५१ हजार, कप, मेडल प्रमाणपत्र हात पार्नेछ । त्यस्तै उपबिजेता टिमले नगद २५ हजार, कप, मेडल प्रमाणपत्र हात पार्नेछ । त्यसैगरी प्रतियोगिता अवधिभर उत्कृष्ट खेल प्रदर्शन गर्ने खेलाडी मध्य व्यक्तिगत बिधा तर्फ म्यान अफ द टुर्नामेन्टलाई नगद चार हजार तथा मेडल,वेष्ट ब्याट्सम्यान वेष्ट बलर लाई क्रमशः जनही दुई हजार पाँच सय नगद तथा मेडल प्रमाणपत्र प्रदान गरिनेछ । त्यस्तै प्रतियोगिताका प्रत्येक म्याचका म्यान अफ द म्याच लाई नगद पाँच सय साथमा मेडल प्रदान गरिने आयोजकले जानकारी दिएको छ । यसैबिच आयोजकले प्रतियोगितामा टिम सहभागिताका लागि जिल्लामा स्थापित क्रीकेट क्लबलाई अनुरोध गरेको छ ।
लाइभदाङ । ११ कार्तिक २०८०, शनिबार २१:५० बजे