तुलसीपुर,२० असोज । दाङको तुलसीपुरबाट सल्यानको झिम्पे जाँदै गरेको यात्रुबहाक बस दुर्घटना हुँदा दुईजनाको घटनास्थलमै मृत्यु भएको छ ।
शनिबार दिउसो ३ बजेतिर सल्यानको छत्रेश्वरी गाउँपालिका झिम्पे जयचौर जाँदै गरेको ना ६ ख ५४६३ नम्बरको बस कपुरकोट गाउँपालिका स्थित मुलपानी नजिकै दुर्घटना हुँदा दुईजना महिलाको मृत्यु भएको हो । उनीहरुको पहिचान अझै खुलेको छैन ।
दुर्घटनामा चालकसहित ५ जना गम्भीर घाइते भएको मुलपानी बनस्पती कार्यालयका प्रमुख मित्र पाठकले जानकारी दिए ।
घटना स्थलमा प्रहरी चौकी कपुरकोटबाट प्रहरी पुगेर उघार गररिहेको छ । बसमा करिब १६ जना जति यात्रुहरु रहेको खुलेको छ । त्यसमध्ये केही सकुसल छन् ।
लाइभदाङ । २० आश्विन २०८०, शनिबार १५:५२ बजे