घोराही, २१ भदौ
शुक्रवार घोराहीमा हुने गाईजात्रा कार्यक्रमको तयारी पुरा भएको छ । रोटरी क्लब अफ दाङको आयोजनामा हुने गाईजात्रा कार्यक्रमको तयारी पुरा भएको हो ।
घोराही उपमहानगरपालिका १५ मा रोटरी खुल्ला व्यायमशाला निर्माण गर्ने मुख्य उद्धेश्यकासाथ ब्राण्ड बर्थ प्रालिसगको सहकार्यमा आयोजना गरिएको कार्यक्रमकालागी कलाकारहरुको टोली आज विहीवार दाङ आईपुग्ने कार्यक्रम संयोजक मिनराज भाटले जानकारी दिनुभयो ।
कार्यक्रममा देशकै चर्चीत हास्य कलाकारहरुको प्रस्तुति रहनेछ । जसमा बरिष्ठ हास्य कलाकार मनोज गजुरेल, शैलेन्द्र सिम्खडा, टिका भण्डारी, सुबोध गौतम, रुविना अधिकारी, मेक्सम गौडेल, सुन्दर खनाल, सरोज घिमीरे, प्रभात लामा, सीता न्यौपाने, चक्र दमाई लगायतका कलाकारहरुको प्रस्तुति रहनेछ ।
पछिल्लो समयमा मानसिक समस्या भएका व्यक्तीहरुको संख्या बढ्दै गएको र मानसिक समस्यामा मानिसहरु संवेदनशील बन्न नसकेकाले सकारात्मक उर्जा, प्रेरणा र हर्षोल्लासकासाथ खुसी प्रदान गर्नकालागी आयोजना गरिएको गाईजात्राको सम्पूर्ण तयारी पुरा भएको कार्यक्रम संयोजक भाटले जानकारी दिनुभयो ।
मानसिक स्वास्थ्य सम्बन्धी समस्याहरु र उनीहरुलाई कसरी मनोरञ्जन प्रदान गर्न सकिन्छ, भन्ने बारेमा सचेतना फैलाउने, कमेडी कार्यक्रमले नेपाली जनतालाई आफ्नो जिवन सकारात्मकता र खुसीकासाथ बिताउन उत्प्रेरित गर्ने, देशमा रहेका विकृति र समस्याहरुकोबारेमा गम्भीर व्यग्य प्रस्तुत गर्ने उद्धेश्यकासाथ आयोजना गरिएको कार्यक्रममा प्रवेशकालागी एक हजार र पाच सय रुपैया टिकटको व्यवस्था गरिएको छ ।
भोली शुक्रवार बेलुका ४ बजेदेखी घोराही उपमहानगरपालिका १४ मा रहेको बहुउद्धेश्य सभागृहमा हुने कार्यक्रममा उपस्थितिकालागी आयोजक रोटरी क्लब अफ दाङका अध्यक्ष प्रदीप मज्गैयाले सम्पूर्णमा अनुरोध गर्नुभएको छ ।
लाइभदाङ । २१ भाद्र २०८०, बिहीबार १२:२७ बजे