रूकुम पूर्व, २६ बैशाख ।
रुकुमपूर्वमा चार थान भरुवा बन्दुक फेला परेको छ । सिस्ने गाउँपालिका ८ स्यालापाखास्थित सिमपातल सामुदायिक जंगलबाट ४ थान भरूबा बन्दुक सोमबार साँझ प्रहरीले बरामद गरेको छ ।
उक्त जंगलमा तरुल खनेको खाल्डोमा भरुवा वन्दुक रहेको भन्ने सूचनाको आधारमा खटिएको प्रहरीले उक्त बन्दुक फेला पारी बरामद गरेको हो । यस सम्बन्धमा प्रहरीले थप अनुसन्धान गरिरहेको छ ।
लाइभदाङ । २६ बैशाख २०८०, मंगलवार १५:३९ बजे