काठमाडौ, १ बैशाख ।
पछिल्लो २४ घण्टामा नेपालमा थप १ सय ३६ जनामा कोरोना भाइरसको सङ्क्रमण पुष्टि भएको छ । एक हजार चार सय २४ जनाको नमुना परीक्षण गर्दा एक सय ३६ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जानकारी दिएको छ ।
यही अवधिमा ६८ जना सङ्क्रमणमुक्त भएको र अहिले सक्रिय सङ्क्रमितको सङ्ख्या चार सय एक रहेको मन्त्रालयले जनाएको छ । २४ घण्टामा ६४ हजार ८ सय ५७ जनाले कोरोनाविरुद्धको खोप लगाएका छन ।
केही दिनयता नेपालमा कोरोना भाइरसको सङ्क्रमण बढिरहेको छ । सङ्क्रमण बढेसँगै स्वास्थ्य मापदण्डको पालना गर्न र कोरोनाविरुद्धको खोप लगाउन मन्त्रालयले आग्रह गरेको छ ।
लाइभदाङ । १ बैशाख २०८०, शुक्रबार २०:५१ बजे