दाङ, २७ भदौ । दाङका सबै स्थानीय तहले विद्यालय खोल्ने भएका छन् ।
दाङका प्रमुख जिल्ला अधिकारी रामबहादुर कुरुम्बाङ्का अनुसार स्मार्ट लकडाउन कार्यविधिको मातहतमा रही स्थानीय तहले विद्यालय खोल्न पाउने निर्णय गरेको हो । स्थानीय तहले कोभिड–१९ शंकट व्यबस्थापन केन्द्रसंग समन्वय गरेर विद्यालय खोल्न पाउने निर्णय भएको कुरुम्बाङ्ले बताए ।
भोलि(सोमबार)देखि घोराही उपमहानगरपालिका र तुलसीपुर उपमहानगरपालिको विद्यालय खोल्ने निर्णय गरेका छन् । त्यस्तै शान्तिनगर गाउँपालिकाले भने यस अघि नै विद्यालय खोलिसकेको छ ।
तुलसीपुर उपमहानगरपालिकाले भने विद्यालय खोलेपनि बस सेवा सञ्चालन नगर्ने निर्णय गरेको छ । यसको चौतर्फी विरोध हुने गरेको छ । घोराही उपमहानगरपाकिाले भने बस सेवा समेत सञ्चालन गर्न दिने भएको छ ।
लाइभदाङ । २७ भाद्र २०७८, आईतवार २०:०७ बजे