तुलसीपुर
१३ भदौ / दाङको तुलसीपुर स्थित मानव सेवा आश्रमलाई ह्वील चियर सहयोग गरिएको छ । मानव अधिकार प्रतिष्ठानका लुम्बिनी प्रदेश संयोजक विनोद कुमार श्रेष्ठ र प्रतिष्ठानका आजिवन सदस्य अब्दुल हमिद खानको सहयोगमा दुई थान ह्वील चेयर सहयोग गरिएको हो ।
मानव अधिकार प्रतिष्ठान दाङ शाखा मार्फत उक्त ह्वील चेयर सहयोग गरिएको हो । शनिबार आश्रममै पुगेर उक्त सहयोग गरिएको हो । प्रतिष्ठानका दाङ शाखा सभापति शालिकराम वलीको अध्यक्षता तथा प्रतिष्ठानका प्रदेश संयोजक विनोद कुमार श्रेष्ठको प्रमुख आतिथ्यमा कार्यक्रम गरि उक्त सहयोग गरिएको हो ।
आश्रममा ह्वील चेयर अभाब भएकाले सहयोग गरिएको श्रेष्ठले बताए । उनले सबैले सक्दो सहयोग गर्नुपर्ने समेत बताए । कार्यक्रममा प्रतिष्ठानका सल्लाहकार गणेश पार्धे, कानुनी सल्लाहकार मोहन धिताल, प्रेस सल्लाहकार दिपक बोहरा, आश्रमका व्यबस्थापक उर्विन सापकोटालगायतले मन्तब्य ब्यक्त गरेका थिए ।
कार्यक्रमको सहजीकरण प्रतिष्ठानका सचिब टेकन कडेलले गरेका थिए । साथै प्रदेश संयोजक श्रेष्ठले आश्रममा रहेका ३२ जनालाई खाना पनि खुवाएका थिए ।
लाइभदाङ । १३ भाद्र २०७८, आईतवार २१:३६ बजे