लक्ष्मण बस्नेत,
तुलसीपुर, २० कात्तिक ।
तुलसीपुर उपमहानगरपालिका वडा नं. १५ दाङ तुलसीपुरको दमारगाउमा जारी नगर स्तरिय पुरुष फुटबल प्रतियोगिता २०७९ को फाइनलमा प्रवेश गरेको छ ।
तुलसीपुर उपमहानगरपालिका वडा न ३ को आयोजनामा संचालित प्रतियोगिताको आईतबार बिहान सम्पन्न सेमिफाइनल खेलमा वडा नं. ७ लाई ट्राईवेकरमा तिनका विरुद्ध चार गोलले पराजित गर्दै वडा नं. १५ ले फाइनल यात्रा तय गरेको हो ।
उल्लेख दर्शकको उपस्थितिमा भएको कडा प्रतिस्पर्धा अनि रोमाञ्चक खेलको निर्धारित समयसम्म एक–एक गोलको बराबरी भएपछी नतिजा ट्राईवेकरबाट निकालिएको थियो । यसैबिच प्रतियोगिता अन्तरगत आज दिउँसो दुई बजे हुने दोस्रो सेमिफाइनलमा वडा नं. ८ र ६ भिड्ने एन्फा रेफ्री शिवहरी शर्माले जानकारी दिनु भएको छ ।
प्रतियोगिताको बिजेताले नगद ६५ हजार ट्रफी,मेडल तथा प्रमाणपत्र हात पार्नेछ । त्यस्तै उपविजेताले नगद ३० हजार ट्रफी,मेडल तथा प्रमाणपत्र हात पार्नेछ, भने ब्यक्तिगत बिधा तर्फ उत्कृष्ट खेल प्रदर्शन गर्ने खेलाडीलाई पुरस्कृत गरिने आयोजकले जानकारी दिएको छ । प्रतियोगितामा तुलसीपुर नगर क्षेत्रका १२ टिमको सहभागिता रहेको छ ।
लाइभदाङ । २० कार्तिक २०७९, आईतवार १२:३७ बजे