तुलसीपुर
३ कात्तिक / माओवादी केन्द्र निकट युवा संगठन योँग कम्युनिष्ट लिग(वाईसिएल) दाङ क्षेत्र नं.३(१)का वडावडामा खटिएको छ । बाम लोकतान्त्रिक गठबन्धनका उम्मेदवारहरुलाई जिताउन उक्त क्षेत्रका ११ वटा वडामा वाईसिएल खटाईएको हो ।
वाईसिएल क्षेत्र नं.३(१)का संयोजक हेविन्द्र शाहीको अध्यक्षता तथा जिल्ला संयोजक माधव बुढाथोकीको प्रमुख आतिथ्यमा सबै वडाको जिम्मेवारी तोकिएको हो । जसमध्ये तुलसीपुर वडा नं.३,४ र ७ को संयोजकमा टेकराज केसी र भुवन थापा तथा सहसंयोजकमा नवराज महरलाई तोकिएको छ । त्यस्तै वडा नं.५ र ६ को संयोजकमा दिवस परियार, वडा नं.८ र ९ को संयोजकमा रोमन केसीलाई जिम्मेवारी तोकिएको छ ।
त्यस्तै तुलसीपुर १२ र १३ मा खुमबहादुर डाँगीलाई संयोजक र गणेश खड्कालाई सहसंयोजक तथा वडा नं.१४ र १५ लाई भने वाईसिएल नगर कमिटिले हेर्ने गरि जिम्मेवारी तोकिएको हो ।
लाइभदाङ । ३ कार्तिक २०७९, बिहीबार ०९:५६ बजे