तुलसीपुर, १३ असोज /
तुलसीपुरमा फलामको ‘नक’ प्रहारबाट एक जना घाइते भएका छन् । बिहीबार दिउँसो १२ बजेतिर फलामको ‘नक’ प्रहारबाट एक जना घाईते भएको इलाका प्रहरी कार्यालय तुलसीपुरका प्रमुख प्रहरी नायब उपरीक्षक पुष्पराज मल्लले जानकारी दिए ।
घाइते हुनेमा तुलसीपुर उपमहानगरपालिका ३ दमारगाँउ निवासी १७ वर्षीय सोहिल पुन रहेका छन् । डिएसपी मल्लका अनुसार पुरानो रिसीबीका कारण पुनमाथि ४/५ जनाको समुहमा आएका युवाहरुले फलामको ‘नक’ प्रहार गरेको बुझिएको छ ।
घाईते पुनको राप्ती प्रादेशिक अस्पताल तुलसीपुरमा उपचार भइरहेको प्रहरीले जनाएको छ । घटनामा संलग्न रहेका युवाहरु फरार रहेकोले खोजी कार्य जारी रहेको प्रहरीले बताएको छ ।
लाइभदाङ । १३ आश्विन २०७९, बिहीबार १६:०७ बजे