तुलसीपुर
१६ जेठ / तुलसीुपर उपमहानगरपालिकाको कार्यपालिका बैठकले गरेको पहिलो निर्णय कार्यान्वयन गरेको छ ।
निर्वाचित भएपछिको पहिलो कार्यपालिका बैठकले ७० बर्ष माथिका जेष्ठ नागरिकलाई निःशुल्क एम्बुलेन्स सेवा उपलब्ध गराउने निर्णय गरेको थियो ।
सोही अनुसार सोमबार तुलसीपुर उपमहानगरपालिका वडा नं. १३ रणीयपुर निवासी यमकुमरी वलीलाई सेवा प्रदान गरेको छ ।
श्वासप्रस्वासमा समस्या भएपछि ७२ बर्षीया उनलाई उपचारकलागि राप्ती प्रादेशिक अस्पताल तुलसीपुर ल्याइएको वडाध्यक्ष मोहन पौडेलले बताए । यो सेवा तुलसीपुर उपमहानगरपालिका भित्र मात्रै रहेको छ ।
लाइभदाङ । १६ जेष्ठ २०७९, सोमबार २०:१६ बजे