तुलसीपुर,३ चैत ।
दाङको तुलसीपुर उपमहानगरपालिका वडा नं. २ बालापुरका विद्यार्थीहरुले खाजा खर्च कटाएर मानब सेवा आश्रमलाई सहयोग गरेका छन् । कक्षा ९ मा अध्ययनरत विद्यार्थीहरुले सहयोग गरेका हुन् । विद्यार्थीहरुले भान्साकालागि चाहिने सामग्री सहयोग गरेका हुन् । सेवा नै धर्म भएको भन्दै आफूहरुले आरुलाई पनि यो कार्यप्रति प्रेरित गर्न सहयोग गरेको बताएका छन् । साथै उनीहरुले आश्रमको अवलोकन समेत गरेका छन् ।
शिक्षक बासुदेव आचार्यले विद्यार्थाहरुलाई नयाँ कुराको अनुभूति गराउन र समाज सेवाको भावनाका साथसाथै विद्यार्थीमा सकरात्मक सोचको विकास गराउनको लागि आश्रम अवलोकन गराएको जानकारी दिए । विद्यार्थीहरुले सामाजिक कार्यप्रति सहानुभूति देखाएको आफू खुसी भएको आश्रमका सञ्चालक उर्विन साप्कोटाले बताए ।
लाइभदाङ । ३ चैत्र २०७८, बिहीबार १८:०३ बजे