दाङ
९ माघ / दाङमा मोटरसाईकल दुर्घटना हुँदा एक जनाको मृत्यु भएको छ । लमहीदेखि गढवा तर्फ जाँदै गरेको रा ५ प ५७१४ नम्बरको मोटरसाइकलले विपरित दिशाबाट आइरहेको साइकल यात्रीलाई बचाउने क्रममा लमही ४ बलामपुरमा दुर्घटना हुँदा तुलसीपुर उपमहानगरपालिका वडा नं. १२ निवासी अरुण देबकोटाको मृत्यु भएको हो ।
जिल्ला प्रहरी कार्यालय दाङका प्रहरी नायब उपरीक्षक मुकुन्द रिजालका अनुसार दुर्घटनामा गम्भीर घाइते भएका देबकोटाको लमही अस्पतालमा उपचारका क्रममा मृत्यु भएको हो ।
साथै सोही मोटरसाइकलमा सवार चितवन भरतपुर ७ बस्ने राम प्रसाद सापकोटा घाइते भएका छन । उनको लमहीमा सामान्य उपचार पछि थप उपचारकालागि जिल्ला बाहिर लगिएको छ ।
लाइभदाङ । ९ माघ २०७८, आईतवार २२:०१ बजे