काठमाडौं,७ मंसिर ।
पत्रकार दीपेन्द्र खनियाँ मृत फेला परेका छन्।
आइतबार दिउँसो काठमाडौं महानगरपालिका-१० बानेश्वरस्थित घरमा उनी मृत फेला परेको जिल्ला परिसर काठमाडौंका एसपी पवनकुमार भट्टराईले जानकारी दिए।
उनकाअनुसार खनियाँ झुण्डिएको अवस्थामा फेला परेका हुन्। ‘मुचुल्काको काम भइरहेको छ,’ एसपी भट्टराईले भने।
खनियाँ रेडियो-अडियोका सञ्चालक हुन्। उनी छक्का पन्जा ५ को निर्मातासमेत थिए। खनियाँ उक्त घरमा आफ्नो परिवारसँग बस्दै आएका थिए।
लाइभदाङ । ८ मंसिर २०८२, आईतवार १६:०१ बजे