तुलसीपुर, २४ कात्तिक । दाङको तुलसीपुर स्थित अमृतपुर खानेपानी उपभोक्ता तथा सरसफाई संस्थाको नेतृत्व चयनकालागि तुलसीपुर उपमहानगरपालिकाले सहजीकरण समिति निर्माण गरेको छ ।
जसमा तुलसीपुर उपमहानगरपालिका वडा नं.५ का अध्यक्ष विरेन्द्र कुमार शाह, खेमराज वली र शिवहरी भण्डारीलाइ सहजीकरण समिति बनाईएको छ ।
सोही समितिले उक्त खानेपानीको नयाँ नेतृत्व चयन गर्नकालागि उपमहानगरपालिकाको तर्फबाट पहल लिनेछ ।
तुलसीपुर उपमहानगरपालिकाको खानेपानी बोर्डको बैठकले उनीहरुलाई जिम्मा दिएको नगर प्रमुख टिकाराम खड्काले बताए । उक्त खानेपानीको कार्यकाल सकिएको छ ।
लाइभदाङ । २५ कार्तिक २०८२, सोमबार ०८:५२ बजे