काठमाडौं, १५ भदौ ।
नेपाल राष्ट्र बैंकले यस वर्ष दशैंतिहारका लागि नयाँ नोट नबाँड्ने भएको छ । हरेक वर्षको चाडपर्वमा नयाँ नोट वितरण गर्दै आएको राष्ट्र बैंकले यसपटक खर्च व्यवस्थापन र प्रावधानगत कारण देखाउँदै नयाँ नोटको वितरण रोक्ने निर्णय गरेको हो ।
राष्ट्र बैंकका अनुसार नयाँ नोटको सट्टामा बजारमा पठाइएका र फिर्ता आएका ‘सुकिला’ नोट मात्र वितरण गरिनेछ । मुद्रा व्यवस्थापन विभागले सार्वजनिक सूचना जारी गर्दै भदौ २९ गतेदेखि बैंकमार्फत सुकिला नोट वितरण सुरु हुने जनाएको छ ।
दशैं–तिहारमा साना र ठूला दरका नोटको उच्च माग हुने भएकाले सो माग पुरा गर्न सुकिला नोटलाई प्रयोगमा ल्याइने राष्ट्र बैंकले स्पष्ट पारेको छ।
लाइभदाङ । १५ भाद्र २०८२, आईतवार ११:२२ बजे